Sakapua Siriah dari Parantau Solomak

Assalamualaikum Wr Wb..

Apo koba dunsanak-dunsanak kosodo nyo? Awak sobona sonang, alhamdulillah..ahkirnyo sarilamak blogspot bisa diaccess. Semoga gawe ko, korojo ko bojalan toruh andaknyo..
Disampiang salah satu fasilitas untuak silaturahmi dan bo koba, bisa pulo andaknyo pa ubek hati nan rindu jo kampuang...
Kok ketek topak tangan, nyiru di bontang..silahkan dunsanak2 mengisi artikel, foto-foto, dan apo sajo tantang awak-awak dan untuak awak-awak juo.
Merantau lah bujang dohulu..

Dikampuang poguno olun..

Induak cari bapak pun cari,

Induak somang cari dohulu…
Anak di pangku kamanakan di bimbiang

Urang kampuang di patenggang kan..

Cito2 untuak blogspot ko yo indak tinggi-tinggi doh, minimum, kito bisa ba silaturahmi olah cukuk tuh. Bagi siapo nan manyambuang silaturahmi..olah man cium bau sorugo. Apo lai, kok ado nan nio manyumbang pikiran atau pun soketek dari panghasilan untuak kampuang alhamdulilah..!
Indak ado kato tolambek untuak ba silaturahmi dan mancubo monuruh kan langkah2 nan olah di lakukan oleh nan tuo-tuo kito untuak kampuang.
Mudah2 an dalam kesibukan dunsanak ado lah wokotu soketek untuak mang "klik" korojo dari anak2 mudo kito.

Wasalam,

Awak ko mah..Si Win.
Erwin Cham Office: +62 542 756 3378 Cell. : +62 812 542 9244